„Hvítþvær ekki ráðherra af hans gjörðum“
Setja bókamerki
„Þessir fáranlegu starfshættir lögreglu hvítþvo ekki ráðherra af hans gjörðum,“ segir Halldóra Mogensen, þingflokksformaður Pírata.
Eftirlitsnefnd með starfsháttum lögreglu komst nýverið að þeirri niðurstöðu að háttsemi tveggja lögregluþjóna, á vettvangi í Ásmundarsal á Þorláksmessukvöld, geti talist ámælisverð. Umrætt kvöld var Bjarni Benediktsson, fjármála- og efnahagsráðherra á listasýningu í Ásmundarsal. Halldóra leggur áherslu á að þessi tvö atvik tengist ekki.
Hún segir að ekki megi gleyma framgang Bjarna. „Ráðherra sýndi stórkostlegan dómgreindarbrest á tímum þegar þjóðinn var að færa gífurlegar fórnir sem hann gekkst svo við.“
Vilja sjá sjálfstætt eftirlit með lögreglu
Halldóra segir vert að minnast á að Píratar hafa verið helstu talsmenn sjálfstæðs eftirlits lögreglu. „Þetta er ljóslifandi dæmi um nauðsyn þess eftirlits.“ Hún segir að þingsályktunartillaga flokksins frá 2019 um að setja á fót sjálfstætt eftirlit með störfum lögreglunnar var samþykkt á þingi en dómsmálaráðherra hafi ekki klárað það mál.
„Dómsmálaráðherra var gert að koma með frumvarp en það kom ekki,“ segir Halldóra og bætir við að Píratar muni halda áfram að berjast fyrir þessu eftirliti á komandi þingi. „Þetta er mjög mikilvægt. Þetta atvik sýnir það einstaklega vel. Þegar lögreglan er farin að starfa á þennan hátt að þá finnst mér það vera dæmi um skort á eftirliti.“
Nágranninn fannst látinn við nærliggjandi skóla
„Þetta er ljót mynd“
Tíu börn á spítala, þar af tvö á gjörgæslu
Ísrael rýfur öll tengsl við UNRWA
Mjótt á munum degi fyrir kosningar
Fer fram á sex og hálfs ára fangelsi yfir Jóni Inga
Maðurinn sem lést var íslenskur