Áslaug Arna Sigurbjörnsdóttir dómsmálaráðherra innti Höllu Bergþóru Björnsdóttur, lögreglustjóra á höfuðborgarsvæðinu, eftir afsökunarbeiðni vegna dagbókarfærslu lögreglu sem hratt af stað Ásmundarsalarmálinu svokallaða. 

RÚV greinir frá.

Áslaug hringdi tvívegis í Höllu Bergþóru á aðfangadag jóla í fyrra, daginn eftir að upp komst að Bjarni Benediktsson, fjármála- og efnahagsráðherra og flokksbróðir Áslaugar, hafði verið í gleðskap í Ásmundarsal þar sem sóttvarnarlög voru virt að vettugi.

Frétt af mbl.is

Sektað vegna brota á grímuskyldu í Ásmundarsal

Áslaug Arna Sigurbjörnsdóttir dómsmálaráðherra. mbl.is/Eggert Jóhannesson

Lýsti símtölunum á lokuðum fundi

RÚV hefur þetta eftir heimildarmönnum sínum, en Halla Bergþóra á að hafa lýst þessum samskiptum hennar og dómsmálaráðherra á lokuðum fundi stjórnskipunar- og eftirlitsnefndar í byrjun mars á þessu ári.

Það sem Áslaug vildi að Halla Bergþóra bæðist afsökunar á, var að í dagbókarfærslu lögreglunnar á aðfangadagsmorgun, sem send er fjölmiðlum, kom fram að „háttvirtur ráðherra“ hafi verið í Ásmundarsal. Lögregla var enda kölluð að Ásmundarsal vegna gruns um að þar væri verið að brjóta sóttvarnarlög.

Hvorki Áslaug né Halla Bergþóra hafa viljað greina opinberlega frá efni þeirra tveggja símtala sem fóru þeirra á milli á aðfangadag. Áslaug hefur þó sagst ekki hafa verið að hafa afskipti af málinu.

Hvorki Áslaug né Halla Bergþóra svöruðu símtölum mbl.is.

Halla Bergþóra Björnsdóttir, lögreglustjóri á höfuðborgarsvæðinu. mbl.is/Ásdís

Tengdar fréttir

Sóttvarnabrot í Ásmundarsal

Brutu ekki á lögreglumönnum í Ásmundarsalar-máli

• Hlusti ekki á persónuleg samskipti lögreglumanna
• Fresta nefndarfundi vegna sumarleyfa
• Ræða Ásmundarsal og Lindarhvol
• Boðað verður til fundar í eftirlitsnefnd

» Fleiri tengdar fréttir

• Blogga um frétt