Áætlað er að 7.600 störf hafi verið laus á öðrum ársfjórðungi 2021 og á sama tíma voru um 183.300 störf mönnuð á íslenskum vinnumarkaði og hlutfall lausra starfa því 4%.

Þetta kemur fram í starfaskráningu Hagstofu Íslands. 

Samanburður við árið í fyrra sýnir að 5.100 fleiri störf voru laus á öðrum ársfjórðungi 2021 en á sama tímabili 2020. Mönnuðum störfum fækkaði um 6.700 á milli ára og hlutfall lausra starfa hækkaði um 2,7%.

Borið saman við fyrsta ársfjórðung 2021 fjölgaði lausum störfum um 4.000 á milli ársfjórðunga og jókst fjöldi mannaðra starfa um 700. Hlutfall lausra starfa hækkaði um 2,1% á milli ársfjórðunga.

Niðurstöður starfaskráningar sýna að hæsta hlutfall lausra starfa á öðrum ársfjórðungi 2021 var í ferðaþjónustu og tengdum greinum eða 11,8%. Áætlað er að 17.900 hafi verið starfandi í ferðaþjónustu og laus störf verið 2.400.

Fjölgun starfa eftir ársfjórðungum. Graf/Hagstofa Íslands

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir

• Blogga um frétt