Aurskriður féllu á skíðasvæðið í Tindastóli á Sauðárkróki í gærkvöldi með þeim afleiðingum að rafmagnsstrengur á svæðinu slitnaði og voru íbúar rafmagnslausir í stutta stund. 

„Væntanlega hefur [strengurinn] slitnað í skriðum sem fóru þarna niður í gærkvöldi. Það er verið að kanna aðstæður í dag og hvað er hægt að gera í þessu,“ segir Þórir Ólafur Halldórsson á svæðisvakt RARIK á Norðurlandi.

Ekki hefur verið staðfest hvar strengurinn er slitinn en rafmagni sló út um miðnætti í nótt. Hvergi er rafmagnslaust á svæðinu sem stendur. 

Háspennustrengurinn liggur upp að sendum Neyðarlínunnar en þeir eru nú keyrðir á varaafli.

Feykir greindi fyrst frá.

Frétt af mbl.is

Rýming enn í gildi vegna skriðuhættu

Fleiri skriður féllu á Norðurlandi í gærkvöldi. Í Varmahlíð er enn í gildi rýming vegna skriðuhættu hvað varðar nokkur hús á svæðinu.

Tengdar fréttir

Aurskriður og vatnavextir á Norðurlandi

Mestu máli skiptir að fyrirbyggja frekari skriður

• Hættustigi vegna vatnavaxta aflétt
• Vatnsborð hefur sjatnað á Norðurlandi
• Aurskriðan féll ekki af mannavöldum
• Rýmingu aflétt fyrir öll hús

» Fleiri tengdar fréttir

• Blogga um frétt