Enginn greindist með inflúensu hér á landi síðasta vetur og verður það að teljast afar óvenjulegt þar sem meðalfjöldi inflúensugreininga síðustu fimm tímabil var 476, að því er fram kemur í nýútkomnum Farsóttarfréttum sóttvarnalæknis. 

Það þarf þó ekki að leita langt til að finna skýringu en hún liggur helst í ferðatakmörkunum og sóttvarnaráðstöfunum á landamærum vegna COVID-19, ásamt því að aldrei hafa jafn margir verið bólusettir gegn árlegri inflúensu hér á landi. 

Árlegt inflúensutímabil hefst að hausti og lýkur að vori árið eftir. Toppnum í greiningu tilfella er yfirleitt náð í febrúar eða mars og fer tilfellum þá hratt fækkandi. 

Kórónuveirufaraldurinn á Íslandi er fyrirferðarmikill í Farsóttarfréttum sem komu út í dag en þar er fjallað um bólusetningar við COVID-19, fjórðu bylgju COVID-19 á Íslandi sem braust út í mars, hópsýkingu í leikskóla í apríl, aðgerðir á landamærum, ný afbrigði SARS-CoV-2 veirunnar og skýrslu um COVID-19 hópsýkingu á Landakoti. Þá er einnig fjallað um kynsjúkdóma og salmonellu, auk inflúensu veturinn 2020-2021.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt