Nýtt gosop opnaðist utan í gígnum á Fagradalsfjalli um tíuleytið í gærkvöldi. Hraun streymdi þá úr gígnum, en fyrr um daginn hafði vart sést í jarðeld þar.
Var þá einnig lítill gosórói fram eftir degi, en hann jókst jafnt og þétt eftir því sem leið á kvöldið.
Vel sést í nýja gosopið á aðalvefmyndavél mbl.is af eldgosinu og mátti sjá litla stróka koma af og til upp úr því, að því er fram kemur í Morgunblaðinu í dag.