Sunnudagsumferð var án teppa og tafa

Margar og fjölmennar samkomur voru haldnar um helgina, þar sem fólk meðal annars fagnaði afléttingu samgöngutakmarkana. Gott veður var víðast hvar og ekki yfir neinu að kvarta. Í Eyjum var Goslokahátíð, Írskir dagar á Akranesi og N1-mótið á Akureyri. Þá mátti á Suðurlandi sjá að fjöldi fólks var í sumarhúsabyggðum og á tjaldsvæðum. Svo lauk leik og stöðug umferð bíla var til borgarinnar í gær, án þess að teppur og tafir mynduðst.

Háværar drunur sem heyrðust víða á Suðurlandi seint á föstudagskvöld voru bónus til ferðamanna, sem veltu fyrir sér hvaðan hljóðin kæmu. Líklegasta skýringin er sú að þarna hafi lofsteinn borist inn í gufuhvolfið, eða svo segja vísindamenn á Veðurstofu Íslands.

Í sama ranni er því spáð að í dag verði skýjaloft og lítils háttar væta víðast hvar á landinu. Líkur á stöku síðdegisskúrum á Norðurlandi, þar sem hiti gæti náð allt að 20 stigum.