Tilkynnt var á Sauðárkróki í gær um 200 milljóna króna framlag Kaupfélags Skagfirðinga á næstu tveimur árum til ýmissa samfélagslegra verkefna í Sveitarfélaginu Skagafirði og Akrahreppi.
„Fyrirtæki þurfa að leggja samfélaginu lið með meiru en bara því að greiða skatta og skyldur, samkvæmt lögum,“ sagði Þórólfur Gíslason, kaupfélagsstjóri KS, við athöfn á Sauðárkróki þar sem þessi stuðningur félagsins var kynntur formlega að viðstöddum fulltrúum sveitarfélaga og atvinnulífs.