Mikið hefur gengið á við gosstöðvarnar í Geldingadölum síðasta sólarhringinn. 

Fram kemur á facebooksíðu Eldfjalla- og náttúruvárhóps Suðurlands að mikil og reglubundin gosvirkni hafi verið síðustu daga og töluvert hraun runnið niður í Meradali. 

Athygli hefur vakið að klettur í norðaustanverðum gígnum hefur dúað upp og niður síðustu daga. Kletturinn virðist hafa brotnað frá gígnum en ekki runnið frá honum. Þrýstingur frá hrauntjörninni hefur síðan lyft bjarginu upp og niður, eftir því hversu hátt hefur staðið í henni. 

Þá hefur yfirborð hrauntjarnarinnar breyst ansi hratt í goshrinunum, sem hafa verið síðan 10. júlí líkt og á fyrri stigum gossins, og hefur kletturinn því farið upp og aftur niður á 3-5 mínútum í einhver skipti.

Tengdar fréttir

Eldvirkni á Reykjanesskaga

Vinna hefst í dag við að reisa undirstöður

• Auka aðgengi að Grindavík
• Ekki hægt að slá gosið út af borðinu strax
• Unnið að hraunkælingu allan sólarhringinn
• Hraunrennslið haldi áfram undir yfirborðinu

» Fleiri tengdar fréttir

• Blogga um frétt