Eftir eins og hálfsdags frí tók eldgosið í Geldingadölum heldur betur við sér í dag. Gosóróinn jókst og tók almennilega við sér upp úr klukkan tíu í morgun. Það var svo seinni partinn í dag að sjá mátti á vefmyndavél mbl.is að hraunið tók að renna á ný úr gígnum.

Um var að ræða mikið sjónarspil en hraunið spýttist á ný í allar áttir og rann síðan inn í Meradali.

Hraunflæðismælingar fara almennt fram með þeim hætti að flogið er yfir svæðið og mælt úr lofti. Vegna töluverðrar þoku undanfarna daga hefur lítið verið hægt að mæla. Flugvél á vegum Veðurstofunnar flaug nokkrum sinnum yfir svæðið í dag og mátti sjá að gígurinn var að fyllast.

Frétt af mbl.is

Gosóróinn farinn upp og gígurinn að fyllast

Í samtali við mbl.is segir náttúruvársérfræðingur á vakt Veðurstofunnar að ætla megi að hraunflæðið sé um tíu rúmmetrar á sekúndu. Erfitt er að spá fyrir um framhaldið, líkt og verið hefur.

Tengdar fréttir

Eldvirkni á Reykjanesskaga

Telur að eldgosahrinan sé að fjara út

• Auknar líkur á kvikuhlaupi eða eldgosi í lok janúar
• Margir leituðu svara um eldgos og umbrot
• Magnús Tumi stillir upp þremur sviðsmyndum
• „Við erum sátt“

» Fleiri tengdar fréttir

• Blogga um frétt