Kærir forstjóra ÁTVR

Arnar Sigurðsson, eigandi netverslunarinnar Sante.is, hyggst leggja fram kæru á hendur Ívari J. Arndal, forstjóra ÁTVR, fyrir rangar sakargiftir. „Forstjórinn sendir bréf á ríkisskattstjóra og lögreglustjórann á höfuðborgarsvæðinu og sakar mig og fyrirtæki mín um umfangsmikil skattaundanskot. Hann hefur ekkert fyrir sér í því annað en þá fullyrðingu að fyrirtæki mitt í Frakklandi sé ekki með virðisaukaskattsnúmer.

Hann hefði getað haft samband við skattinn áður en hann lagði af stað í þennan leiðangur og staðreynt að fyrirtækið er með þetta númer, sem er 140848.“ Bendir Arnar á að ásakanir þær sem forstjórinn haldi fram varði jafnvel fangelsisrefsingu og því sé mjög íþyngjandi að sitja undir dylgjum um slík lögbrot. 11