Hitabylgja á Austurlandi

Ekkert lát virðist vera á hitabylgjunni sem geisað hefur á Fljótsdalshéraði síðustu daga. Í gær fór hitinn hæst í 26,7 gráður á Hallormsstað.

Fólk hefur notið veðursins og margir hafa kælt sig í ám og vötnum, m.a. í Atlavík. Árbakkarnir í raun farnir að minna á sólarstrendur á suðrænni slóðum. Þá hafa sumir tekið upp á því að stökkva í Eyvindará hjá Egilsstöðum, eftir að minnka tók í ánni í kjölfar leysinga.