„Óróinn er uppi núna en dettur svo niður aftur annað slagið með mislöngu stoppi inn á milli,“ segir Bjarki Kaldalóns Fri­is, nátt­úru­vár­sér­fræðing­ur á Veður­stofu Íslands, í samtali við mbl.is um virkni eldgossins í Geldingadölum. 

Hann segir að síðustu þrjá daga hafi óróinn sést í um 15 klukkustundir í senn. „Gosið er ekkert rosalega reglulegt,“ segir hann en bætir þó við að það sé púlsandi virkni í því. 

Frétt af mbl.is

Mögulega farið að síga á seinni hlutann

Á vef Jarðvísindastofnunar Háskóla Íslands kom fram í fyrradag að hraunrennsli gosstöðvanna færi minnkandi sem gæti bent til þess að farið sé að síga á seinni hlut­ann í gos­inu. 

„Þegar óróinn er uppi þá ná gusurnar varla upp úr gígbarminum sjálfum,“ segir Bjarki en nefnir þó að á vefmyndavélum sjáist að mikið hraun flæði niður í Meradali en lítið renni í Nátthaga.

Bjarki segir að ekki sé hægt að meta hvort að gosinu sé að ljúka út frá þessari virkni, „gosið er bara í gangi enn þá og við höldum áfram að fylgjast með.“

Tengdar fréttir

Eldvirkni á Reykjanesskaga

Gatan í bylgjum og bíllinn hoppaði

• Eldgos nú talið ólíklegt í nóvember
• Skoða hvort Hvalur 8 og 9 geti hitað upp Suðurnes
• Telja sig geta rekið Grindavík til 2026
• „Ekkert okkar getur sett sig í spor ykkar“

» Fleiri tengdar fréttir

• Blogga um frétt