Gjörgæslurýmum á Landspítalanum hefur fækkað til muna í sumar og sem stendur eru aðeins tíu rými opin.

Sigríður Gunnarsdóttir, starfandi forstjóri Landspítalans, segir þetta ekki óeðlilegt en margir starfsmenn spítalans eru nú í sumarleyfi og erfitt sé að fá afleysingar á gjörgæslu.

„Ef við sjáum fjölgun innlagna á gjörgæslu vegna Covid þá opnum við fleiri rými. Ef það verður mikið álag á spítalann þá þyrftum við að kalla fólk inn úr sumarleyfum og leita í bakvarðalista og annað slíkt, sem við höfum gert í fyrri bylgjum. En við erum að reyna á meðan það er ekki nauðsyn að leyfa fólki að vera í sumarfríi. Fólkið okkar er búið að standa langa vakt og er þreytt.“

Sigríður segir í Morgunblaðinu í dag ekkert benda til þess að innlagnir á gjörgæslu séu að fara að aukast, en það eigi eftir að koma í ljós þegar á líður á þessa bylgju.

Tengdar fréttir

Kórónuveiran Covid-19

Grípa til aðgerða: Covid-19 breiðist hratt út

• Ekki fleiri greinst með veiruna í eitt og hálft ár
• Áslaug um fylgið: „Verðum að horfa í eigin barm“
• Covid-tilboð á hótelum um allt land
• „Áfall fyrir bæjarfélagið“

» Fleiri tengdar fréttir