John Snorri Sigurjónsson og Ali Sadpara náðu á topp pakistanska tindsins K2 áður en þeir létust á leiðinni niður af tindinum í febrúar síðastliðnum. Frá þessu greinir minningareikningur um Sadpara á Twitter, sem sonur hans og fleiri halda úti. 

Lík Johns Snorra, Alis og Juans Pablos Mohr fundust á tindinum fyrr í vikunni, rétt ofan við flöskuhálsinn svokallaða. 

Í færslunni segir að Sajid Sadpara, sonur Alis, hafi komið líkunum á öruggan stað. Ekki sé hægt að sækja líkin strax en stefnt sé að því að gera það síðar þegar öryggi er meira.

Í færslunni kemur einnig fram að staðsetning kaðla og annars búnaðar staðfesti að þremenningarnir hafi náð á topp K2 en króknað úr kulda á leið sinni niður. Fjölskylda Johns Snorra hafði áður sagt í yfirlýsingu að vísbendingar væru um að mennirnir hefðu náð á toppinn. 

Frétt af mbl.is

Fjölskylda Johns Snorra þakkar fyrir stuðninginn

Tengdar fréttir

John Snorri

Segir frásögn norsku fjallgöngukonunnar uppspuna

• Beðin að klippa á taug Johns Snorra
• Snjóflóðahætta fólgin í að færa lík Johns Snorra
• Ekki tókst að færa John Snorra
• Fundar með forsetanum á morgun

» Fleiri tengdar fréttir

• Blogga um frétt