Hörður Orri Grettisson, formaður þjóðhátíðarnefndar, segir nefndina skoða það að sækja um ríkisstyrk eftir að þurfti að fresta Þjóðhátíð í Eyjum annað árið í röð eftir að innanlandstakmarkanir voru hertar í síðustu viku.

„Það er ómögulegt að segja hvort við fáum einhvern styrk frá ríkinu, en okkur fyndist það eðlilegt þegar lokað er á hátíðina með viku fyrirvara. Það er stjórnvaldsaðgerð og því hljóta yfirvöld að hafa tekið áhrifin af henni með í reikninginn. Ríkisstjórnin hlýtur að hafa gert það,“ segir hann við í umfjöllun um mál þessi í Viðskiptamogganum í dag.

ÍBV fékk enga ríkisstyrki í fyrra vegna tekjutapsins sem varð en á móti kom að félagið fékk styrki úr ýmsum áttum í fyrra; Vestmannaeyjabær styrkti það um 20 milljónir króna og einnig nokkur stöndug fyrirtæki í Vestmannaeyjum. „Þessir styrkir komu okkur fyrir horn í fyrra og við náðum rétt svo að lifa þetta af. Það óskuðu einhverjir í fyrra eftir því að flytja miðana sína í staðinn fyrir endurgreiðslu svo félagið gat flotið áfram á þeim aurum.“

Íris Róbertsdóttir, bæjarstjóri Vestmannaeyja, segir mikið áfall fyrir samfélagið allt að hátíðinni skuli vera frestað annað árið í röð.

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir