Fimm lagðir inn á spítala í gær
Landspítalinn í Fossvogi.
Ljósmynd/mbl.is
Setja bókamerki
Fimm voru lagðir inn á spítala í gær vegna Covid-19. Þá útskrifuðust tveir af spítalanum. Þetta staðfestir starfandi forstjóri spítalans, Anna Sigrún Baldursdóttir í samtali við mbl.is. Alls liggja nú fimmtán manns á sjúkrahúsi vegna veirunnar.
Allir fimm einstaklingarnir sem lagðir voru inn í gær þurftu á innlögn að halda vegna einkenna veirunnar. Þá eru tveir á gjörgæslu.
Bólusetningarstaða þeirra liggur ekki heldur fyrir, en spítalinn kynnti nýtt verklag þess efnis nú um daginn að ekki yrði upplýst um bólusetningarstöðu stakra innlagna í senn.
Í gær voru tólf á spítala og þar af tveir á gjörgæslu. Ekki hafa fleiri verið á spítala frá því 21. janúar, en þá lágu átján inni á spítalanum.
Fréttin hefur verið uppfærð.
„Þetta er ríkisstjórn almannahagsmuna“
Þetta eru ráðherrar ríkisstjórnarinnar
Lát hjóna í Neskaupstað: Ákæra gefin út
Lyklaskipti í ráðuneytunum
Bjarni: „Útilokað að þetta geti gengið upp“
„Börn heima sem maður myndi vilja hafa í skjóli“
Hrikalegt að heyra fréttirnar
