Ríkisstjórnin ákvað á fundi sínum í dag, að tillögu sóttvarnalæknis, að taka upp skimun á landamærunum hjá bólusettum einstaklingum með tengslanet á Íslandi eða önnur tengsl við landið, s.s. þeir sem hyggja á langtímadvöl eða ætla að sækja um starf hérlendis. 

Ákvörðunin tekur gildi 16. ágúst. Bólusettir með tengsl hér á landi verða þá skyldaðir til þess að fara í sýnatöku innan 48 klukkustunda frá komunni til landsins. 

Þetta kom fram í máli Katrínar Jakobsdóttur að ríkisstjórnarfundi loknum í dag. Í tilkynningu á vef stjórnarráðsins segir að einstaklingar með tengsl við Ísland séu:

• Íslenskir ríkisborgarar
• Einstaklingar búsettir á Íslandi
• Einstaklingar með atvinnuleyfi á Íslandi
• Umsækjendur um atvinnuleyfi eða alþjóðlega vernd á Íslandi

Ekkert ákveðið um framhald innanlands

Umræddir farþegar munu ekki þurfa að sæta sóttkví þar til niðurstaða úr sýnatöku liggur fyrir. Gert er ráð fyrir að fólk fari annað hvort í hraðpróf eða PCR-próf, en nánara fyrirkomulag verður unnið í samráði við sóttvarnalækni.

Fram kom í máli Svandísar Svavarsdóttur að ekki hafi verið tekin ákvörðun um hertar takmarkanir innanlands, né heldur hvað taki við 13. ágúst þegar núgildandi takmarkanir falla úr gildi. 

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 1 blogg um fréttina

Bloggað um fréttina

• Helga Dögg Sverrisdóttir: Aumingjalegt