„Þetta er endemis þvæla sem er komin í hring.“ Þetta segir Sigríður Á. Andersen, þingmaður Sjálfstæðisflokksins, um þær nýju aðgerðir sem tilkynntar voru að loknum löngum fundi ríkisstjórnarinnar í dag.

„Fólki var sagt að fá bólusetningu til að geta ferðast. Lög og reglur settar til að undanþiggja bólusetta skimun,“ skrifar hún á Twitter.

„Mörg þúsund manns virðast „hafa í sér veiruna“. Að skima á landamærum nú mun ENGU breyta,“ bætir hún við og spyr einnig:

„En að láta bara sýnatökumenn banka upp á tilviljanakennt á heimilum fólks og taka sýni? Verður það ekki örugglega kosningaloforð allra flokka?“

Ekki hissa á stuðningi við grímuskyldu

Sigríður bendir einnig á að ferðamenn með engin tengsl við Ísland verði ekki skimaðir.

„Hvað varð um „smitin eru rakin til landamæranna”, „franska parið”… Þetta er endemis þvæla sem komin er í hring.“

Því næst segir hún að um sé að ræða sorglega frammistöðu ráðherra Sjálfstæðisflokksins „í þessu leikriti“. Hún sé ekki hissa á því að þeir styðji grímuskyldu.

Frétt af mbl.is

Grímuskyldan einsdæmi á Norðurlöndunum

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt