Innlent | mbl | 11.8.2021 | 15:55

Hafa þurft að fækka legurýmum

Landspítalinn í Fossvogi. Ljósmynd/mbl.is

Að manna Landspítalann með menntuðu fagfólki í samræmi við mannaflaþörf hefur verið áskorun árum saman, að því er segir í áskorun fagráðs Landspítalans til stjórnvalda á vefsíðu hans.

Þar segir sömuleiðis að til þess hefur komið að þurft hefur að fækka legurýmum vegna manneklu.

Spítalinn og önnur viðbragðskerfi við þolmörk

„Síðastliðið ár hefur bæst við fordæmalaust álag. Á meðan Covid-bylgjur ganga yfir í samfélaginu er mörgu ýtt til hliðar á Landspítalanum til að takast á við heilsufarslegar afleiðingar faraldursins.

Vandi Landspítalans ekki leystur með auknum fjárframlögum einum og sér

101 prósent nýting

Í maí 2021 var rúmanýting á meðferðarsviði á Landspítala hvergi undir 96%, þar sem æskileg rúmanýting á bráðasjúkrahúsi er 85%.

Segir stjórn Landspítalans ráðalausa

Á smitsjúkdómadeild er rúmanýting í maí 99%, en það er deildin sem tekur fyrst við sjúklingum með Covid. Þegar hún er orðin full þá er Lungnadeild A6 breytt í Covid deild og þar er rúmanýting í maí 101%,“ segir í áskoruninni.

Frétt af mbl.is

Vonbrigði að aðgerðaáætlanir hafi ekki leyst vanda

Eins greint hefur verið frá undanfarna daga og vikur hefur gengið erfiðlega að manna vaktir Landspítalans í sumar og hafa starfsmenn verið beðnir um að snúa aftur úrsumarleyfi. Þá tók Betri vinnutími – stytting vinnuviku vaktavinnufólks, gildi þann 1. maí.

Í áskoruninni segir að svigrúm sé til þess að hlúa betur að starfsfólki spítalans.

„Fagráð Landspítala leggur áherslu á að stjórnvöld, sem og stjórnendur Landspítala, leiti allra leiða við að veita starfsfólki viðunandi vinnuaðstæður t.d. með því að skapa umhverfi þar sem ekki er þörf á að kalla fólk inn úr sumarfríum og að alltaf sé tryggt að ekki sé gengið á réttindi fólks," segir í áskoruninni.

Frétt af mbl.is

Staðan á spítalanum „yfirvöldum til skammar“

„Til þess að þetta sé hægt þarf að fara í verulega uppbyggingu í heilbrigðiskerfinu öllu. Stofnanir þurfa að vinna þétt saman. Það þýðir ekki að hika lengur, búið er að benda á vandann í mörg ár, nú sem aldrei fyrr er tækifæri til úrbóta.“