Sérstök röð fyrir Íslendinga

Sigríður Á. Andersen, þingmaður Sjálfstæðisflokksins, gefur lítið fyrir svör Sigurðar Inga Jóhannssonar, samgöngu- og sveitarstjórnarráðherra, við gagnrýni hennar á að það skorti lagastoð fyrir reglugerð hans um skyldu flugrekenda til að óska eftir bólusetningarvottorði og vottorði um neikvætt PCR-próf.

Frétt af mbl.is

Sé á valdi flugstjóra

Upphaflega benti hún á að í lok maí hafi verið veitt heimild til þess að leggja skyldu á flugrekendur til að kanna hvort farþegar hafi tilskilið vottorð. Þar hafi þó skyldan verið takmörkuð við eitt vottorð, en ekki tvö líkt og segir í reglugerð Sigurðar Inga.

Frétt af mbl.is

Óskýr lagastoð fyrir kröfu um tvö vottorð

Hann svaraði gagnrýninni og sagði valdið vera hjá flugstjórum. Sigríður segir það einfaldlega útúrsnúning.

„Það er ekkert nýtt að flugstjórar fari með yfirstjórn í flugvél. En ég var ekki að tala um slík völd, heldur þessa skyldu flugfélaga til að kalla eftir gögnum,“ segir Sigríður í samtali við mbl.is.

Hún bendir á frétt Vísis frá því fyrr í dag þar sem Sigurður Ingi sagði flugfélögin ekki skuldbundin til þess að óska eftir að menn sýni fram á neikvætt PCR-próf. „Hvað er maðurinn að segja? Hann er ráðherra sem setur reglugerð sem segir að félög skuli gera þetta, síðan segir hann í fréttinni í dag að þau séu ekki skuldbundin til þess að gera þetta.“

Farþegar í Flugstöð Leifs Eiríkssonar í gær. mbl.is/Kristinn Magnússon

Ekki hægt að bjóða fólki upp á þetta

Sigríður heldur áfram og segir að ekki sé hægt að bjóða fólki upp á það að eyða miklu fé í vottorð sem það þarf ekki.

„Það eru auðvitað engin flugfélög að vinna eftir þessu rugli. Það er enginn á neinni flugstöð erlendis að gera þetta. En þá eiga menn ekki að vera með þetta leikrit.

Fólk er að eyða tugum þúsunda í þessi próf erlendis. Og það er ekki bara kostnaðurinn að fara í þessi próf heldur er þetta líka ofboðslega íþyngjandi fyrir íslenska ríkisborgara að fá falskt jákvætt próf og vera fastur í útlöndum í tvær vikur, og kannski öll fjölskyldan.

Mér finnst bara ekki hægt að bjóða íslenskum ríkisborgurum upp á þessa þvælu. Ekki bara reglugerð sem ráðherra setur, sem er náttúrulega án lagaheimildar, heldur líka hugmyndafræðina.“

Frétt af mbl.is

Óskýr lagastoð fyrir kröfu um tvö vottorð

Íslendingana í gegn

Varðandi stöðuna í Leifsstöð segir Sigríður að það sé tilgangslaust að hafa Íslendinga fasta í röð þegar svo hátt hlutfall þjóðarinnar er bólusett. 

„Fólk sem er með íslenskt vegabréf er bara bólusett. Það þarf ekki að velta því neitt meira fyrir sér. Allt þetta kraðak í Keflavík er út af engu. Þeir ættu að byrja á því að skipta upp, allir Íslendingar fara í gegnum þetta hlið.“

• Blogga um frétt