Frá og með deginum í dag þurfa bólusettir farþegar sem búa hér á landi eða hafa tengsl við landið að fara í sýnatöku innan við 48 klukkustundum frá því að þeir koma til landsins. Þessir farþegar þurfa, eins og aðrir sem koma til landsins, að framvísa neikvæðum niðurstöðum úr Covid-prófi fyrir komu. 

Nær þetta til ís­lenskra rík­is­borg­ara, ein­stak­linga sem bú­sett­ir eru hér á landi, ein­stak­linga með at­vinnu­leyfi á Íslandi auk um­sækj­enda um at­vinnu­leyfi eða alþjóðlega vernd á Íslandi.

Frétt af mbl.is

Horfa þangað sem eldurinn brennur

Tvöföld sýnataka hefur reynst vel

„Umræddir farþegar munu ekki þurfa að sæta sóttkví þar til niðurstaða úr sýnatöku liggur fyrir. Gert er ráð fyrir að fólk fari annaðhvort í hraðpróf (antigen) eða PCR-próf, en nánara fyrirkomulag verður unnið í samráði við sóttvarnalækni. Þá verður hægt að fara í sýnatöku annaðhvort á landamærum eða á sýnatökustöð innan tímamarkanna og verður sýnatakan gjaldfrjáls. Heimilt verður að sekta þá einstaklinga sem ekki fara í sýnatöku innan tiltekins tíma,“ segir á vef heilbrigðisráðuneytisins um málið.

„Samkvæmt upplýsingum frá embætti sóttvarnalæknis hafa um 90% þeirra einstaklinga sem greinst hafa með COVID-19 frá 1. júlí íslenska kennitölu. Mikilvægt er að tryggja varnir gegn nýjum afbrigðum veirunnar og því er þessi ákvörðun tekin. Áfram verður gerð krafa um framvísun neikvæðs COVID-prófs á landamærum en tvöföld sýnataka með nokkurra daga millibili hefur reynst vel í faraldrinum.“

Fólk sem hefur tengsl við samfélagið líklegra til að dreifa smitum

„Útfærsl­an verður núna unn­in með sótt­varna­yf­ir­völd­um og við erum þá að horfa til þess að þetta eru ís­lensk­ir rík­is­borg­ar­ar eða fólk með fasta bú­setu hér, eða fólk sem er að koma hingað til lengri tíma til vinnu eða eitt­hvað slíkt,“ sagði Katrín Jakobsdóttir forsætisráðherra í samtali við mbl.is þegar reglurnar voru kynntar 6. ágúst síðastliðinn. 

„Þetta ger­um við á þeim rök­stuðningi sem við höf­um fengið frá sótt­varna­lækni að fólk sem er í mikl­um tengsl­um við sam­fé­lagið sé lík­legra til að dreifa smit­um. Við erum líka að heyra það mjög skýrt frá sér­fræðing­um að það skipt­ir miklu máli að þétta þess­ar varn­ir gegn nýj­um af­brigðum.“

Óbólusettir þurfa áfram að fara í tvöfalda skimun við komuna til landsins með fimm daga sóttkví á milli skimana.

Tengdar fréttir

Kórónuveiran Covid-19

„Er ég virkilega að deyja?“

• Rétti barni sínu frekar sígarettur en iPad
• Eitt bóluefni verður í boði gegn covid-19 í vetur
• Varar við fleiri tilfellum í vetur
• Bóluefni hafi fækkað dauðsföllum

» Fleiri tengdar fréttir

• Blogga um frétt