Páll Matthíasson, forstjóri Landspítala, og Már Kristjánsson yfirlæknir hafi skilað minnisblaði til heilbrigðisráðherra í gær um stöðu mála á spítalanum í fjórðu bylgju Covid-19-faraldursins.

Jafnframt var gerð grein fyrir spá um þróun faraldursins eins og hún lá fyrir en hún er unnin í samstarfi Háskóla Íslands og Landspítala, að því er segir á vef spítalans. 

Sjúklingum fækkar

Sjúklingum sem liggja inni á Landspítala vegna Covid-19 hefur fækkað um þrjá á milli daga. Nú liggja 27 inni á spítalanum, 21 á bráðalegudeildum og er þriðjungur þeirra óbólusettur.

Staðan á gjörgæslu er sú sama en þar eru sex sjúklingar, fimm eru bólusettir. Fimm eru nú í öndunarvél og eru fjórir þeirra bólusettir.

Þá hefur virkum smitum fækkað um ellefu frá því í gær en 1.162 eru nú í eftirliti, þar af 233 börn. Fjórir sjúklingar eru metnir rauðir og 38 einstaklingar gulir og þurfa nánara eftirlit.

Tólf lagst inn á gjörgæslu

15 starfsmenn Landspítala eru í einangrun með virkt smit, 22 í sóttkví og 68 í vinnustaðasóttkví.

Alls hafa 77 sjúklingar lagst inn á Landspítala með Covid-19 í fjórðu bylgju faraldursins, um þriðjungur er óbólusettur. Tólf hafa þurft að leggjast inn á gjörgæslu.

Tengdar fréttir

Kórónuveiran Covid-19

Ekkert um alvarleg veikindi

• Skyldasti ættingi SARS „var í þeirra eigin ísskáp“
• Almenningur fékk ekki nægan aðgang að samningum
• Við höfum „runnið til baka niður brekkuna“
• Grípa til aðgerða: Covid-19 breiðist hratt út

» Fleiri tengdar fréttir

• Blogga um frétt