„Við verðum bara að fara að sætta okkur við að það séu hömlur og að það sé hið nýja norm í heiminum,“ segir Bjarn­heiður Halls­dótt­ir, formaður Sam­taka ferðaþjón­ust­unn­ar, í samtali við mbl.is um minnisblað sóttvarnalæknis þar sem hann lýsir framtíðarsýn í sóttvarnaaðgerðum.

Frétt af mbl.is

Tillögur Þórólfs um framtíðarfyrirkomulag

Þórólfur Guðnason telur að tak­mark­an­ir þurfi að vera í gildi á meðan Covid-19 geis­ar í heim­in­um.

„Ég sé ekki að þetta sé neitt sem við getum haft neitt á móti eða komi til með að virka heftandi á ferðaþjónustuna. Ég á von á að þetta verði svona í heiminum víðast hvar um ófyrirséða tíð,“ segir Bjarnheiður.

Sætta sig ekki við takmarkanir á fjölda ferðamanna

Í minniblaðinu leggur Þórólfur meðal annars til að all­ir farþegar, og þar á meðal börn, verði skimaðir við kom­una til lands­ins. Einnig að tvö­föld skimun og sótt­kví gildi áfram fyr­ir þá sem geti ekki fram­vísað gild­um vott­orðum.

„Ef ekki verður hægt að anna of­an­greind­um skimun­um vegna fjölda ferðamanna þá legg ég til að leitað verði leiða til tak­marka fjölda ferðamanna við þann fjölda sem okk­ar sótt­varn­aráðstaf­an­ir ráða við,“ bæt­ir Þórólf­ur við.

Frétt af mbl.is

Pláss fyrir skimun á vellinum af skornum skammti

Bjarnheiður segir ferðaþjónustuna ekki geta sætt sig við að settar verði takmarkanir á fjölda vegna skimunargetu. „Það er eitthvað sem við eigum erfitt með að leggja blessun okkar yfir. Að það verði einhver flöskuháls.“

Miklar áhyggjur af reglum um sóttkví

Samtök atvinnulífsins sendu frá sér tilkynningu fyrr í vikunni þar sem talið er að breyta þurfi gild­andi regl­um um sótt­kví  meðal annars til þess að lama skólastarf.

Frétt af mbl.is

Breyta þurfi reglum svo skólastarf lamist ekki ítrekað

Bjarnheiður segir að Samtök ferðaþjónustunnar taki undir þetta ákall og að samtökin hafi miklar áhyggjur af reglum um sóttkví. 

„Við höfum áhyggjur af því að atvinnulífið lamist útaf þessari hörðu sóttkvíarstefnu. Við teljum notkun hraðprófa vera skilvirkari, það er líka eitthvað sem mætti skoða á landamærunum.“

Millibilsástand

Hún segir að eftirspurn Íslendinga eftir utanlandsferðum hafi dregist saman eftir að þeir voru skyldaðir til að fara í sýnatöku innan 48 klukkustunda eftir komuna til landsins. 

Frétt af mbl.is

Sýnataka við komu til landsins orðin skylda

„Annars er staðan almennt nokkuð betri en við áttum von á eftir að við urðum rauð á öllum þessum listum. Það hefur einhver áhrif haft en ekki eins mikil og menn óttuðust.“

Bjarnheiður segir að ákveðið millibilsástand ríki nú þar sem fyrirtæki eru að átta sig á nýja norminu. „Veruleikinn er öðruvísi en við héldum að hann yrði eftir bólusetningarnar.“

Vesen um ókomna tíð

Telurðu að fyrirtæki eigi eftir að snúa sér að öðru í ljósi stöðunnar?

„Nei, ég held að það aðlagi sig bara að þessum veruleika eins og ferðaþjónustan í heiminum öllum þarf að gera. Það verða áfram takmarkanir, skimanir og eitthvað vesen um ókomna tíð. Hlutirnir fara líklega í eðlilegt flæði seinna en við bjuggumst við.“

Bjarnheiður segir að ferðaþjónustan muni áfram þrífast þar sem vægi fólks og neysla til ferðalaga er svo mikil.

„Ferðamenn munu bara laga sig að ástandinu. Þetta mun komast á skrið innan skamms um leið og menn eru búnir að átta sig á að þetta verður svona eitthvað áfram.“

Tengdar fréttir

Kórónuveiran Covid-19

„Er ég virkilega að deyja?“

• Rétti barni sínu frekar sígarettur en iPad
• Eitt bóluefni verður í boði gegn covid-19 í vetur
• Varar við fleiri tilfellum í vetur
• Bóluefni hafi fækkað dauðsföllum

» Fleiri tengdar fréttir

• Blogga um frétt