Grafinn hefur verið skurður í mynni Nátthaga í nágrenni við gosstöðvarnar og í hann lagðar lagnir, rör og ýmsar tegundir af einangrunar- eða fylliefnum. Þar á svo að freista þess að mæla áhrif hraunrennslis á lagnir í jörðu. 

Frá þessu greinir Landsnet í tilkynningu. 

Verkefnið snýst um að freista þess að mæla áhrif hraunrennslis á lagnir í jörðu. Ljósmynd/Landsnet

Þar segir, að Landsnet hafi fengið afnot af öðrum enda skurðsins og í hann verði settur strengsandur og hann þjappaður eftir kúnstarinnar reglum. Þá verði hitamælar settir í skurðinn og svo sé fyllt upp í hann.

„Svo bíðum við spennt og vonumst til þess að hraunið renni yfir skurðinn. Heppnist þessi tilraun vonumst við til þess að eignast mæliniðurstöður sem telja má einstakar á heimsvísu og verða mjög mikilvægt innlegg í vitneskju um áhrif hraunflæðis á jarðstrengi og aðra innviði sem grafnir eru í jörðu,“ segir í tilkynningunni. 

Heppnist þessi tilraun þá er vonast til þess að vísindamenn eignist mæliniðurstöður sem telja megi einstakar á heimsvísu. Ljósmynd/Aðsend

Þá kemur fram að aðrir sem komi að þessu verkefni séu m.a. Almannavarnir, Jarðvísindastofnun HÍ, Veðurstofa Íslands, Landsvirkjun, Neyðarlínan, Verkís, Efla, Míla, Gagnaveitan, Tensor, Rafholt o.fl. 

Tengdar fréttir

Eldvirkni á Reykjanesskaga

Þetta er orð ársins 2024

• Heildarflatarmálið 9 km²: Landris heldur áfram
• Annað gos gæti brotist út í febrúar
• Vilja varðveita ummerki jarðhræringanna í Grindavík
• „Nauðsynlegt varnarviðbragð almannavarna“

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Gosið, sem gleður - enn sem komið er.