Hringveginum lokað við Ölfusárbrú

Stefnt er að því að malbika hringveginn yfir Ölfusárbrú í kvöld, ef veður leyfir. Áætlað er að framkvæmdir hefjist klukkan 21 og ljúki klukkan sjö.

Kaflinn sem malbikaður verður er um 510 metra langur og verður hringveginum lokað báðum megin við Ölfusárbrú á meðan malbikunin stendur yfir. Hjáleið verður við Eyrarbakkaveg meðan á lokuninni stendur.

Vegagerðin biður vegfarendur um að virða merkingar og hraðatakmarkanir og sýna aðgát við vinnusvæðin. Vinnusvæðin eru þröng og menn og tæki verða þar við vinnu mjög nálægt akstursbrautum.

• Blogga um frétt