SOS Barnahjálp á Íslandi haf ákveðið að senda fjármagn til SOS á Haítí vegna jarðskjálftans að stærðinni 7,2 sem reið yfir á laugardagskvöld þar í landi. Samtökin hafa hrundið af stað neyðarsöfnun vegna ástandsins sem skapast hefur á Haítí.

Frétt af mbl.is

Ríflega 2.000 látnir og von á hitabeltisstormi

Fram kemur á heimasíðu SOS Barnaþorpa að í forgangi sé að sjá fólki fyrir vatni, mat og húsaskjóli.

SOS hefur opnað barnvæn svæði þar sem börnin fá grunnþörfum sínum mætt, þau haft eitthvað fyrir stafni og fengið sálfræði- og læknisaðstoð.

Langt uppbyggingarstarf er framundan enda eru minnst 30.000 manns heimilislaus af völdum skjálftans. SOS hefur m.a. sett saman teymi fagfólks sem er nú að meta þörfina á aðstoð í Les Cayes barnaþorpinu og nágrenni þess. 

Haft er eftir Faimy Carmelle Loiseau, framkvæmdastýra SOS Barnaþorpanna á Haítí, á heimasíðu SOS Barnaþorpa á Íslandi að börn ráfi nú um hamfarasvæðið, börn sem hafa orðið viðskila við foreldra sína eða vita ekki um afdrif þeirra.

Tengdar fréttir

Jarðskjálfti á Haítí

Hátt í tvö þúsund látin á Haítí

• Hitabeltisstormur nálgast eyju í sárum
• Tala látinna hækkar í 1.297
• Minnst 304 látnir á Haítí
• Skjálfti af stærð 7,2 á Haítí

» Fleiri tengdar fréttir

• Blogga um frétt