Sjúkratryggingar Íslands hafa á síðustu dögum samið um fjölda Covid-tengdra úrræða til að styrkja innviði heilbrigðiskerfisins. Er þetta samkvæmt tilmælum heilbrigðisráðherra í kjölfar þess að ríkisstjórnin fundaði um langtímaviðbúnað og styrkingu innviða vegna faraldursins.

Í tilkynningu segir að meðal annars hefur verið gerður samningur við Reykjalund um að taka við sjúklingum til endurhæfingar frá Landspítala, samningur um farsóttarhús á Akureyri auk þess sem samið hefur verið við Klíníkina um að leggja til aukamannafla fyrir Landspítala. 

Öll þessi úrræði eru þegar komin í notkun en í gær var farsóttarhús opnað  á Akureyri. Sem fyrr er það Rauði krossinn sem annast rekstur hússins.

Fleiri samningar séu í vinnslu

Í tilkynningu kemur einnig fram að fleiri samningar séu í vinnslu hjá Sjúkratryggingum með það fyrir augum að gera innviði samfélagsins betur í stakk búna til að takast á við faraldurinn.

Meðal annars sé unnið að samningi um sérstaka Covid deild fyrir aldraða, en slík deild var sett tímabundið á fót fyrr í faraldrinum.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt