Guðrún ráðin til RÚV

Blaðamaðurinn Guðrún Hálfdánardóttir hefur verið ráðin til RÚV, en hún leysir Þórunni Elísabetu Bogadóttur af á Morgunvaktinni á Rás 1 næsta hálfa árið.

Frétt af mbl.is

Skemmtilegast þegar atið var mest

Guðrún hefur verið blaðamaður á Morgunblaðinu og mbl.is frá árinu 1996 en hún lét af störfum þar síðastliðið vor. Þar var hún meðal annars fréttastjóri viðskiptafrétta, fréttastjóri á mbl.is og almennur fréttamaður á vefnum. Guðrún hefur þó ekki síst vakið athygli fyrir ítarlega greinaflokka um skólamál, geðheilbrigðismál o.fl.

„Ég hlakka til að takast á við nýjar áskoranir en þetta er í fyrsta skipti sem ég starfa við útvarp. Mikil gerjun á sér stað í útvarpi um allan heim og Rás 1 hefur fylgst vel með þeirri þróun, bæði í mótun línulegrar dagskrár og í hlaðvarpsþáttum. Ég er þakklát fyrir að fá tækifæri til að starfa við hlið Björns Þórs Sigbjörnssonar á Morgunvaktinni næstu mánuði og læra af honum enda afburðadagskrárgerðarmaður líkt og Þórunn Elísabet Bogadóttir, sem ég leysi af á meðan hún er í fæðingarorlofi,“ segir Guðrún í tilkynningunni. 

• 1 blogg um fréttina

Bloggað um fréttina

• Jóhann Elíasson: ALVEG STÓRKOSTLEG Í SÍNU STARFI HJÁ MORGUNBLAÐINU............