„Skýrt að við munum taka við fleirum“
Karítas Ríkharðsdóttir
Setja bókamerki
Katrín Jakobsdóttir forsætisráðherra segir alveg skýrt að tekið verði á móti fleiri hælisleitendum vegna ástandsins sem nú ríkir í Afganistan.
Flóttamannanefnd fundaði í dag og vinnur nú að tillögum varðandi móttöku flóttamanna frá Afganistan, sem skilað verður til ráðherra fyrir lok dags að sögn Stefáns Vagns Stefánssonar, formanns nefndarinnar.
Katrín segir sömuleiðis skýrt af hálfu ríkisstjórnarinnar að um mannúðarkrísu í Afganistan sé að ræða og við henni þurfi að bregðast.
Áhyggjur af stöðu kvenna
Þá lagði Katrín fram erindi frá ýmsum aðilum varðandi móttöku flóttafólks frá Afganistan, á ríkisstjórnarfund í dag. Hún segir ríkisstjórnina hafa óskað eftir að flóttamannanefnd kæmi saman og ynni tillögur skömmu eftir að ástandið í Afganistan varð ljóst.
Aðspurð segist Katrín hafa verulegar áhyggjur af stöðu kvenna í Afganistan og það valda gríðarlegum vonbrigðum að af öllum heimsmarkmiðum Sameinuðu þjóðanna sé lengst í land að ná markmiði um jafnrétti kynjanna á heimsvísu.
„Mjög bagalegt“ að klára ekki málið
Vatni hleypt aftur á Flateyri
Nota ekki jólaljós til að níðast á fólki
Áfram óvissustig vegna skriðuhættu
Erfiðara fyrir flokka að segjast hlutlausir
Var rétt komin ofan í sprunguna
Spá illviðri víða um land á morgun