Íslendingar í danskri vél frá Afganistan

131 farþegi er lentur í Danmörku með öryggisflugi frá Islamabad í Pakistan. Í fluginu voru bæði embættismenn og 90 flóttamenn frá Afganistan, þar á meðal þeir einstaklingar sem dönsk yfirvöld hafa aðstoðað Ísland og Svíþjóð við að forða frá Afganistan.

Utanríkisráðuneytið staðfesti í viðtali við mbl.is að Íslendingarnir sem um ræddi væru hjón og börn þeirra.

Ráðuneytið hefur verið í stöðugu sambandi við þrjár íslenskar fjölskyldur í Kabúl og nú er þá ein þeirra komin til Danmerkur. Næsta skref verður að koma þeim þaðan heim til Íslands.

Vitað var um tvo Íslendinga til viðbótar í Kabúl, sem störfuðu fyrir NATO. Annar þeirra hefur verið fluttur af vettvangi en hinn er enn staddur í Kabúl.

Frétt af mbl.is

Íslendingarnir í Kabúl eru sjö

• 1 blogg um fréttina

Bloggað um fréttina

• Páll Vilhjálmsson: Íslendingar í sumarleyfi í Afganistan