Svandís Svavarsdóttir heilbrigðisráðherra hefur í samráði við sóttvarnarlækni breytt reglugerð sem fjallar meðal annars um hrað- og sjálfspróf á þann veg að einstaklingum sé heimilt að nota sjálfspróf til greiningar Covid-19 á sjálfum sér. Þetta kemur fram í tilkynningu á vef stjórnarráðsins.

Þá er heilbrigðisstarfsfólki eða öðrum sem hafa hlotið sérstaka þjálfun heilbrigðisstarfsmanns nú heimilt að framkvæma greiningu á veirunni með vottuðu hraðprófi. Því er slíkum stöðvum ekki lengur skylt að vera starfræktar af vottuðum rannsóknarstöðvum eins og reyndin hefur verið hingað til. 

Frétt af mbl.is

FA efast um lögmæti á banni við sjálfsprófum

Á öllum þeim sem framkvæma slík próf hvílir skylda til þess að tilkynna heilbrigðisyfirvöldum um ef niðurstaða prófanna reynist jákvæð, sóttvarnarlögum samkvæmt. Þá munu þeir þurfa að gangast undir PCR-próf til þess að staðfesta niðurstöðuna og þurfa að sæta sóttkví á meðan þeir bíða eftir niðurstöðunni úr því prófi.

Prófin þurfa enn fremur að uppfylla ákveðna staðla. Annars vegar að vera CE-vottuð og hafa 90% næmi. Hraðprófin þurfa að hafa 97% sértæki og heimaprófin 95% sértæki samkvæmt reglugerðinni.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt