Vilja sömu meðferð og innfæddir Íslendingar fengju
Setja bókamerki
Kröfufundur Afgan-Íslendinga hófst klukkan 17 á Austurvelli þar sem þess var krafist að Ísland bjargi Afgönum frá Afganistan þar sem talíbanar hafa komist til valda. Þess er sér í lagi krafist að ættingjum afganskra Íslendinga sé bjargað þar sem þeir séu nú í mikilli hættu.
Navid Nouri er afganskur Íslendingur sem segir ríkisstjórnina vera að bregðast þeim og fjölskyldum þeirra með því að draga lappirnar: „Ef þetta væru innfæddir Íslendingar þá myndu þau örugglega grípa inn í. En þau gera ekkert fyrir afganska Íslendinga, þau sitja bara hjá og láta eins og þeim sé sama. Þetta er ekki sanngjarnt.“
Góð mæting en engir ráðamenn
Fundurinn hófst klukkan 17 en þá höfðu 417 manns staðfest komu sína á Facebook-síðu viðburðarins. Navid segir mætinguna góða en ekkert bóli á stjórnmálamönnum eða ráðamönnum og enginn þeirra hafi sett sig í samband við þau.
Segir tímann nauman
Navid ítrekar að ríkisstjórnin hafi ekki endalausan tíma. „Þessi undankomuleið verður ekki opin lengi, talíbanar hafa þegar sagt að þeir ætli að loka flugvellinum. Þá verða fjölskyldurnar okkar fastar þarna. Ríkisstjórnin talar ekki við okkur heldur sólundar bara tímanum, þetta er tímabundið tækifæri. Bandaríkjamenn þurfa að gefa eftir flugvöllinn bráðlega, og hvað þá?“
Skilaboð Navid til íslensku ríkisstjórnarinnar eru einföld: „Komið fjölskyldunum okkar til bjargar. Ég er afganskur Íslendingur, ímyndaðu þér ef innfæddir Íslendingar myndu lenda í þessari stöðu. Hvað myndi ríkisstjórnin gera? Hún myndi fara og bjarga fjölskyldunni, sama hver ógnin væri.
Ég er bara að biðja um það sama og hver annar Íslendingur. Þú veist hvað fjölskylda skiptir mann miklu máli, við getum ekki staðið hjá og sagt „ég get ekkert gert“, við eigum að gera allt sem í okkar valdi stendur.“
Framkvæmdir í uppnámi
Hefur tryggt sér stuðning nógu margra kjörmanna
Segir umræðuna storm í vatnsglasi
Myndskeið: Rýkur úr sprungu sem klýfur Hagafell
„Þau eru ónæm fyrir alvarleika málsins“
Engar reglur til að takast á við stöðuna
Biden dregur framboð sitt til baka
„Það er stutt á milli stórra atburða“