Karlmaður sem lögreglan skaut á Egilsstöðum í gærkvöldi var vopnaður haglabyssu. Hann liggur nú þungt haldinn á sjúkrahúsi. Þetta herma áreiðanlegar heimildir mbl.is.

Maðurinn fór á heimili annars manns sem hann var að leita að. Hann hafði skotið á rúðu í húsinu á móti áður en lögreglan kom á staðinn um klukkan hálfellefu í gærkvöldi. 

Annað hús sem skotið var á í Dalseli á Egilsstöðum. Ljósmynd/Gunnar Gunnarsson

Maðurinn sem byssumaðurinn leitaði að var ekki heima. Heimildir herma að börn hans hafi verið heima og flúið þar sem þeim stóð ógn af manninum. 

Samkvæmt upplýsingum mbl.is skaut byssumaðurinn að lögreglubíl þegar lögregla mætti á vettvang og neitaði hann að leggja niður skotvopnið þegar honum var skipað að gera það. Í kjölfarið var maðurinn skotinn. 

Frétt af mbl.is

Enginn lögreglumaður særður

Heimildir mbl.is herma að lögreglan hafi áður haft afskipti af manninum, meðal annars fyrir vopnaburð.

Bíll í heimkeyrslunni þar sem byssumaðurinn var skotinn. Ljósmynd/Gunnar Gunnarsson

Nokkuð mörgum skotum virðist hafa verið hleypt af. Ljósmynd/Gunnar Gunnarsson

Héraðssaksóknari rannsakar

Kolbrún Benediktsdóttir varahéraðssaksóknari segir í samtali við mbl.is ekki getað tjáð sig um atburði máls. Embætti héraðssaksóknara fer með rannsókn málsins þar sem lögreglan átti í hlut. 

Frétt af mbl.is

Skotmálið á borði héraðssaksóknara

Kolbrún segir að öll lögreglulið vera með aðgang að skotvopnum í læstum hirslum samkvæmt almennum reglum en þurfa skýra heimild til að grípa til þeirra

Tengdar fréttir

Vopnaður maður skotinn af lögreglu á Egilsstöðum

Hafna áfrýjunarbeiðni skotárásarmanns

• „Þetta eru svakaleg vonbrigði“
• Átta ára dómur í skotmáli á Egilsstöðum staðfestur
• Óyggjandi sannanir sýna aðra atburðarás
• Fær átta ára fangelsi fyrir skotárás á Egilsstöðum

» Fleiri tengdar fréttir

• Blogga um frétt