Innlent | mbl | 27.8.2021 | 17:06

Ríkislögreglustjóri verst allra frétta

Sigríður Björk Guðjónsdóttir ríkislögreglustjóri. mbl.is/Eggert Jóhannesson

„Það eru engin viðbrögð frá okkur,“ segir Sigríður Björk Guðjónsdóttir ríkislögreglustjóri innt eftir viðbrögðum við aðgerðum lögreglu á Egilsstöðum í gærkvöldi sem enduðu með því að maður varð skotinn.

Sigríður svaraði því til að hún þekkti málið ekki nægilega vel og kysi að tjá sig ekki um málið sem er á viðkvæmum stað.

Frétt af mbl.is

„Hann dúndraði út um allt í um hálftíma“

Hún segir að um sé að ræða alvarlegt atvik og ekki verði unnt að tjá sig á meðan rannsókn stendur.

„Ef okkar fólk hefði haldið á vopninu hefðum við gert það“

Aðspurð hvort að von sé á að blaðamannafundur verði haldinn um málið, líkt og gert var þegar maður var skotinn í Hraunbæ af sérsveit árið 2013, sagði Sigríður ekki vita til þess.

Frétt af mbl.is

Féll fyrir skotum lögreglu

Frétt af mbl.is

Sérsveitin aldrei gripið til vopna

„Það yrði þá héraðssaksóknari og lögreglan á Austurlandi sem myndi halda hann. Ef okkar fólk hefði haldið á vopninu hefðum við gert það. Þetta eru sjálfstæð embætti,“ segir Sigríður Björk.

Lesa má úr orðum hennar að ekki hafi verið um lögreglumenn í sérsveit að ræða á vettvangi, heldur einungis almennir lögreglumenn frá lögreglunni á Austurlandi.

Tjáir sig ekki um málið á meðan það er svona viðkvæmt

Er það ekki rétt að lögregluembættið á Austurlandi fellur undir þitt embætti?

„Í rauninni eru öll lögregluembætti sjálfstæð embætti.“

„Ég hef ekki einu sinni flett þessu máli upp sjálfstætt, ég ætla ekki inn í þetta mál á meðan það er svona viðkvæmt. Þetta fellur ekki undir okkur,“ segir Sigríður Björk.

Sigríður Björk vísar annars til héraðssaksóknara og lögreglustjórans á Austurlandi.

Ítrekað hefur verið reynt að leita frekari upplýsinga hjá embætti héraðssaksóknara, lögreglunni á Egilsstöðum og lögreglustjóra á Austurlandi sem ekki hafa viljað tjá sig.