Guðni hættur sem formaður KSÍ
Setja bókamerki
Tengdar fréttir
MeToo - #Ég líka
Guðni Bergsson er hættur sem formaður KSÍ samkvæmt heimildum mbl.is. Fréttin verður uppfærð.
Fundarhöld hafa staðið yfir alla helgina hjá KSÍ vegna ofbeldismála innan sambandsins. Allir starfsmenn KSÍ voru boðaðir á fund klukkan 16 í dag.
KSÍ staðfestir á Twitter-síðu sinni að Guðni hafi ákveðið að hætta sem formaður og að frekari upplýsinga væri að vænta frá KSÍ síðar í dag.
Stjórn KSÍ hóf fundarhöldin eftir að þolandi steig fram og lýsti því að landsliðsmaður hefði beitt hana ofbeldi á skemmtistað árið 2017. Guðni kom fram í Kastljósi deginum áður og lýsti því að engin formleg kvörtun hefði komið á hans borð.
KSÍ hefur verið sakað um þöggun og meðvirkni með gerendum innan sambandsins en síðustu daga hefur komið fram hávært ákall um gagngerar breytingar á stjórn KSÍ.
Hanna Björg Vilhjálmsdóttir skrifaði pistil þann 13. ágúst síðastliðinn sem hratt af stað umræðu um málefnið en í viðtali á Bylgjunni í dag dró hún hæfi Guðna sem formanns í efa:
„Er Guðni Bergsson starfi sínu vaxinn ef hann sér ekki hvað er að gerast í kringum sig? Auðvitað er það þeirra starf að vita og auðvitað vita þau.“
Tengdar fréttir
MeToo - #Ég líka
Ránið var framið í strætóskýli
Telja sig geta rekið Grindavík til 2026
Nokkrar skriður féllu á Vestfjörðum
Traust til kvenleiðtoga fer minnkandi
Munu áfrýja beint til Hæstaréttar
Sleginn yfir grófri framkomu gegn fjölskyldunni
Taldi betra fyrir drengina að deyja
