Smit í minnst tíu skólum höfuðborgarsvæðisins
Setja bókamerki
Skóla- og frístundasviði í Reykjavík hefur verið tilkynnt um smit í sjö skólum í Reykjavík þessa helgina og vitað er um þrjá til viðbótar á höfuðborgarsvæðinu.
Einnig hefur mbl.is borist ábending um smit í Hlíðaskóla, en ekki fengið það staðfest.
Helgi Grímsson, sviðsstjóri skóla- og frístundasviðs hjá Reykjavíkurborg, staðfestir að smit hafi komið upp í Vogaskóla, Seljaskóla, Laugalækjarskóla, Landakotsskóla, Hamraskóla, Fellaskóla og Álftamýrarskóla.
Tíu nemendur eru komnir í sóttkví vegna smitsins í Víðistaðaskóla í Hafnafirði, að sögn Hrannar Bergþórsdóttur skólastjóra.
Þá hafa verið staðfest smit í Helgafellsskóla í Mosfellsbæ.
Færri í sóttkví út af nýju reglunum
Skólastarf grunnskólanna hófst á mánudag og nú, viku seinna, eru tugir nemenda komnir í sóttkví. „Ég var orðinn vongóður á föstudag því þá hafði ekki borist tilkynning um neitt smit í vikunni, en svo kom þetta,“ segir Helgi.
Ekki liggur fyrir samanlagður fjöldi þeirra sem þurfa að sæta sóttkví vegna smitanna en Helgi telur að nýjar reglur um sóttkví í skólum muni hjálpa til við að afmarka hópinn betur en áður hefur verið gert, svo færri þurfi að fara í sóttkví.
„Miðað við hvað veiran er útbreidd í samfélaginu þá er eðlilegt að smit berist inn í skóla, okkar áhersla er að smitin breiðist svo ekki út innan skólanna.“
Fá ýmsa þjónustu gjaldfrjálst
Veikustu hlekkirnir þoldu ekki álagið
Seðlabankastjóri: „Vaxtalækkunarferlið er hafið“
Lið Manchester United flýgur með Icelandair
Efling samdi við SFV
„Ég er nakin með fólk allt í kringum mig“
Byrlunarmálinu alls ekki lokið
Gerðu 17 loftárásir á Beirút í nótt