HÍ veitti 37 nýnemum styrk

Háskóli Íslands veitti 37 nýnemum styrk úr afreks- og hvatningarsjóði skólans við hátíðlega athöfn í dag. Styrkþegarnir koma úr 15 framhaldsskólum víða um land og innritast í 28 mismunandi námsleiðir á öllum fimm fræðasviðum Háskóla Íslands.

Segir í tilkynningu frá Háskóla Íslands að í hópi styrkþega séu 14 dúxar og semidúxar úr framhaldsskólum landsins á síðustu misserum og árum.

Úthlutunarathöfnin fór nú fram í hátíðasal Háskóla Íslands í annað sinn en þetta var í 14. sinn sem styrkjum er úthlutað úr afreks- og hvatningarsjóði. Viðstaddir voru aðeins styrkþegar, rektor og stjórn sjóðsins en athöfninni var hins vegar streymt á netinu fyrir aðstandendur styrkþega og önnur áhugasöm.

Styrkirnir eru veittir nýnemum sem hafa náð „framúrskarandi árangri í námi til stúdentsprófs og jafnframt látið til sín taka á öðrum sviðum, svo sem í félagsstörfum í framhaldsskóla eða listum og íþróttum. Í hópi styrkþega eru einnig nemendur sem hafa sýnt fádæma seiglu og þrautseigju og hafa, þrátt fyrir afar erfiðar aðstæður, staðið sig afar vel í námi.“

Hver styrkur nemur 375 þúsund krónum og er samanlögð styrkupphæð því nærri 14 milljónir króna.

Styrkhafarnir eru:

• Aníta Lind Hlynsdóttir
• Anna Elísabet Stark
• Arnór Daði Rafnsson
• Auðun Bergsson
• Áróra Friðriksdóttir
• BerenikaBernat
• Berglind Bjarnadóttir
• Bragi Þorvaldsson
• Daníel Hreggviðsson
• Elín Kolfinna Árnadóttir
• Embla Rún Halldórsdóttir
• Eva Bryndís Ágústsdóttir
• Freydís Xuan Li Hansdóttir
• Guðríður Ósk Þórisdóttir
• Hafrún Alexia Ægisdóttir
• Hilmir Vilberg Arnarsson
• Ingibjörg Halla Ólafsdóttir
• Ingunn Ósk Grétarsdóttir
• Jón Valur Björnsson
• Kjartan Óli Ágústsson
• Kolbrún Sara Haraldsdóttir
• Kristján Bjarni Rossel Indriðason
• María Tinna Hauksdóttir
• Ragnheiður María Benediktsdóttir
• Ragnhildur Björt Björnsdóttir
• Ragnhildur Elín Skúladóttir
• Rakel María Ellingsen Óttarsdóttir
• Rakel Rún Eyjólfsdóttir
• Sigrún Meng Ólafardóttir
• Sindri Bernholt
• Steinunn Kristín Guðnadóttir
• Thelma Lind Hinriksdóttir
• Tinna Rúnarsdóttir
• Tómas Helgi Harðarson
• Trausti Lúkas Adamsson
• Uloma Lisbet Rós Osuala
• Weronika Klaudia Wdowiak

Styrkirnir úr Afreks- og hvatningarsjóði stúdenta Háskóla Íslands eru veittir með stuðningi Aldarafmælissjóðs Háskóla Íslands og Happdrættis Háskóla Íslands.

Stjórn Afreks- og hvatningarsjóðs stúdenta Háskóla Íslands í ár skipa Róbert Haraldsson, prófessor og sviðsstjóri kennslusviðs sem er formaður, Ólafur Pétur Pálsson, prófessor við Iðnaðarverkfræði-, vélaverkfræði- og tölvunarfræðideild, og Guðbjörg Vilhjálmsdóttir, prófessor við Félagsfræði-, mannfræði- og þjóðfræðideild.

• Blogga um frétt