Starf pólitískra aðstoðarmanna er ekki glansmyndalífið sem margur ímyndar sér. Formenn stjórnmálaflokka í stjórnarandstöðu og ráðherrar ráða til sín aðstoðarmenn, þingflokkar hafa til umráða starfsmenn og síðan starfar fólk innan skrifstofa stjórnmálaflokka. 

Allir þessir starfsmenn mynda síðan heild sem heldur gangverki stjórnmálaflokka í nútímasamfélagi gangandi – fólkið á bak við tjöldin.

Freyja Steingrímsdóttir er aðstoðarmaður Loga Einarssonar, formanns Samfylkingarinnar. Hún segir aðstoð sína við Loga ekki ná til þaulskipulagningar hvers dag né til persónulegra haga en að hún bóki fundi, viðtöl og slíkt. 

„Við erum oft að grínast; ég þoli ekki að keyra þannig að hann titlar sig sem bílstjórann minn,“ segir Freyja. 

Skaðaminnkun í ofbókunum

Ásamt Freyju ræða Kári Gautason, fyrrverandi framkvæmdastjóri þingflokks Vinstri grænna og Ingvar P. Guðbjörnsson, upplýsingafulltrúi Sjálfstæðisflokksins, við Karítas Ríkharðsdóttur um starf­semi stjórn­mála­flokka. 

Allt frá grasrót til þing­manna og ráðherra er tekið fyr­ir ásamt fjár­mál­um flokk­anna, innra skipu­lagi, kosn­inga­bar­átt­um, starf­semi í heims­far­aldri og mýt­una um reyk­fylltu bak­her­berg­in.

Kári segir að starfsmenn Vinstri grænna á þingi hafi stundum þurft að grípa inn í „með skaðaminnkandi úrræði“ þegar þeir bókuðu fundi hvern ofan í annan. Að öðru leyti séu afskipti starfsmanna af dagbókum þingmanna í lágmarki. 

Þætt­ir Dag­mála eru opn­ir áskrif­end­um Morg­un­blaðsins og má horfa á þáttinn í heild sinni hér. Kaupa má vikupassa hér.

Tengdar fréttir

Alþingiskosningar 2021

Hafa „ágætis tíma“ til úrbóta

• Spyr hvort að ekki þurfi að boða til kosninga
• Niðurstaða MDE kallar á breytingar
• Niðurstaða MDE hefur engin bein réttaráhrif
• Stjórnvöld þurfi að axla ábyrgð

» Fleiri tengdar fréttir

Dagmál

„Fjölskyldan mín var orðin pirruð á mér“

• Efast um eitt frægasta morðmál Íslands
• Kaupréttarkerfin mikilvæg
• Nýsköpunarstyrkir skili sér til baka
• Gengið vel að sækja tekjur

» Fleiri tengdar fréttir

• Blogga um frétt