Lungnadeild opnar aftur eftir óvænt smit
Setja bókamerki
Lungnadeild Landspítala, sem hefur verið í sóttkví í viku í kjölfar óvænts smits Covid-smits,er nú aftur opin fyrir innlagnir sjúklinga. Á vef Landspítala segir að ekki hafi fleiri greinst en þeir þrír sem greindust í fyrstu.
Þá ætlar spítalinn að hætta notkun hraðgreiningarprófa en prófin hafa verið notuð frá því a fjórða bylgjan skall á tilgreindum stöðum hjá starfsmönnum með væg einkenni.
„Lærdómurinn af notkun hraðgreiningarprófa í viðkvæmri starfsemi eins og sjúkrahússtarfsemi hefur verið á þann veg að þau séu síðri kostur en PCR próf,“ segir í tilkynningunni. Starfsmenn geta nú farið í PCR-sýnatöku á Covid göngudeild ásamt öðrum starfsstöðvum.
Leggja til að allir sjúklingar verði skimaðir
Farsóttanefnd spítalans leggur til að sem fyrst verði innleitt það verklag að skima alla sjúklinga sem leggjast inn, ásamt því að ekki verði heimilt að nota svefnvélar nema neikvætt PCR-sýni liggi fyrir.
Tíu sjúklingar liggja nú inni á spítalanum vegna Covid, allir á bráðalegudeildum spítalans og eru þrír þeirra óbólusettir. Enginn er á gjörgæslu. Meðalaldur innlagðra er 59 ár.
Virkum smitum fækkar um 56 á milli daga en nú eru 773 með virkt smit, þar af 248 börn. Einn er metinn rauður og 14 einstaklingar gulur og þurfa nánara eftirlit.
Tölfræði Landspítala um stöðu faraldursins:
Óskiljanleg ákvörðun skólayfirvalda
Kerfið féll á prófinu
Lögregla handtók mann sem reyndist eftirlýstur
Segir aðferðafræði Seðlabankans ekki að virka
„Þú ert bara orðin miðaldra kona“
Móðirin metin sakhæf í Nýbýlavegsmáli
Fjöldi tungumála áskorun