Hlaup er hafið í Eystri-Skaftárkatli að því er kemur fram á vef Veðurstofu Íslands.

Þar segir að GPS-mælingar í Eystri-Skaftárkatli sýni að íshellan þar sé farin að lækka.

Bendir það til að rennsli úr lóninu sé hafið. Mælingar sýna að íshellan byrjaði að lækka um klukkan 23 í gærkvöldi og hefur hún lækkað um tæpan einn metra frá þeim tíma.

Líklega ámóta stórt og 2018

„Búast má við að í heildina lækki íshellan um 60-100 metra. Þetta hlaup kemur í kjölfar hlaups úr vestari katlinum sem nú er í rénun.

Síðast hljóp úr Eystri-Skaftárkatli í ágúst 2018 og miðað við vatnsstöðuna í katlinum fyrir hlaup er líklegt að þetta hlaup verði ámóta stórt.

Hlaupið núna úr vestari katlinum hefur hækkað grunnvatnsstöðu og getur því hlaupvatnið úr eystri katlinum dreift sér meira um flóðasvæðið en 2018.

Við þetta bætist að talsverð úrkoma hefur einnig verið á svæðinu undanfarinn sólarhring,“ segir í tilkynningu Veðurstofunnar á Facebook.

Tengdar fréttir

Skaftárhlaup

Atburðinum að ljúka

• Hlaupið reyndist koma úr öðrum katli
• Ólíklegt að hlaupið eyðileggi innviði
• Athuganir benda til að Skaftárhlaup sé að hefjast
• Skaftárhlaup yfirstaðið

» Fleiri tengdar fréttir

Skaftárhlaup 2021

Skaftárhlaup raskar ekki ró bændanna

• „Áin er ljót innfrá“
• Stutt í að hlaupið komi undan jökli
• Búist við að íshellan lækki um allt að 100 metra
• Missir ekki svefn yfir Skaftárhlaupi

» Fleiri tengdar fréttir

• Blogga um frétt