„Hef ekki sagt eitt orð um brotaþola“
Setja bókamerki
Helgi Magnús Gunnarsson vararíkissaksóknari bendir á í samtali við mbl.is að hann hafi aldrei viðhaft nein ummæli varðandi brotaþola ofbeldis. Hann hefur verið á milli tannanna á fólki vegna umdeildra færslna á samfélagsmiðlum sem hann hefur líkað við. Helgi hefur hins vegar afturkallað þau „læk“.
„Ég vil benda á að ég hef aldrei haft nein ummæli uppi um nokkurn skapaðan hlut í sambandi við þetta mál, nema þá skýringu sem ég gaf fjölmiðlum um helgina spurður um viðbrögð einhverra við einhverju „læki“ við frétt,“ segir Helgi.
Málið sem Helgi vísar til er sú umræða sem hefur skapast eftir að Þórhildur Gyða Arnarsdóttir steig fram í viðtali á RÚV í lok ágúst og greindi frá kynferðisofbeldi sem hún hafi orðið fyrir af hálfu landsliðsmanns í knattspyrnu árið 2017.
„Ég hef ekki haft eitt einasta orð um þetta,“ segir Helgi en Stígamót og Öfgar hafa skorað á Áslaugu Örnu Sigurbjörnsdóttur dómsmálaráðherra að setja Helga af vegna færslnanna sem hann hefur líkað við.
Meðal þeirra er færsla Sigurðar G. Guðjónssonar, hæstaréttarlögmanns og forseta dómstóla KSÍ, þar sem hann birtir lögregluskýrslur með persónugreinanlegum gögnum úr skýrslutöku Þórhildar Gyðu.
Í viðtali við mbl.is fyrr í dag sagði Áslaug tjáningu Helga á samfélagsmiðlum vera vafasama. „Mér finnst mjög vafasamt af vararíkissaksóknara að vera að tjá sig með þeim hætti sem hann hefur gert á samfélagsmiðlum nú nýlega. Það má alveg gagnrýna hann fyrir það,“ sagði Áslaug.
Helgi segir að honum finnist svar Áslaugar yfirvegað en um misskilning sé að ræða í fréttinni að viðbrögð Stígamóta og annarra séu vegna ummæla um brotaþola.
„Það er ekki rétt, ég hef ekki sagt eitt orð um brotaþola eða nokkurn tengdan hennar [Þórhildar] máli.“
Mæðgur dæmdar til að greiða 64 milljónir
Virknin dregist saman um 600 metra
Myndir: Grindavíkurvegur aftur undir hraun
Hraun fór yfir Grindavíkurveg
Búseta skortir byggingarlóðir
Mjög alvarlegt ef Njarðvíkuræð gefur sig
Þórarinn: Tafir á höfuðborgarsvæðinu ekki minni
Erlendir miðlar greina frá tíunda gosinu