Arion banki sætir árás
Setja bókamerki
Netárás stendur nú yfir á Arion banka. Þetta staðfestir bankastjórinn Benedikt Gíslason í samtali við mbl.is. Segist hann búast við því að fleiri félög hér á landi sæti nú einnig slíkri árás.
„Það er verið að vinna í að hrinda árásinni, en þetta er með umfangsmeiri árásum sem hafa verið gerðar hér á landi, ég held að það megi fullyrða það,“ segir Benedikt.
Aðspurður segir hann árásina hafa hafist rétt fyrir klukkan níu í kvöld.
App bankans og þjónustuvefur voru rétt í þessu að komast aftur á laggirnar. Þau lágu niðri fyrr í kvöld eins og mbl.is greindi áður frá.
Ætlað að rjúfa þjónustuna
„Það er einfaldlega sett óeðlilega mikið gagnamagn á vefþjónana okkar. Fjölmennt lið vinnur nú að því að loka fyrir það.“
Árásinni er eingöngu ætlað að valda þjónusturofi að sögn Benedikts. Engir fjármunir séu því í hættu.
Badenoch nýr leiðtogi Íhaldsflokksins
„Ég held að þetta verði ekki svo jafnt“
Evrópa á tímamótum
Fjögurra manna fjölskylda slapp úr brennandi íbúð
Sex ár fyrir hnífstungu við Hofsvallagötu
Tugþúsundir sjálfboðaliða mættir á flóðasvæðið
Ætliði að gefa út bók eftir þessa Moggastelpu?
