Hlaupin tvö áfram í rénun
Setja bókamerki
Að sögn Böðvars Sveinssonar, náttúruvársérfræðings hjá Veðurstofu Íslands, eru jökulhlaupin í Skaftá og Vestari-Jökulsá bæði áfram í rénun.
Upptakakvíslar hlaupsins í Vestari-Jökulsá koma undan Hofsjökli norðanverðum en óvíst er þó nákvæmlega hvaðan. Sérfræðingar Veðurstofunnar eiga eftir að athuga það nánar á næstu dögum.
Rafleiðni í ánni jókst í gær og náði hámarki í gærkvöldi en hefur hjaðnað eftir það. Vatnshæð og rennsli hefur ekki aukist í ánni.
„Þetta hlaup er sennilega mjög svipað og var árið 2013,“ segir Böðvar.
Á vef Veðurstofunnar segir að það hlaup hafi hafist 21. ágúst þegar Skagfirðingar urðu varir við mikinn brennisteinsþef. Hlaupið náði hámarki 24. ágúst en hjaðnaði svo á 3 til 4 dögum. Rennsli árinnar jókst ekki svo að vandræði hlytust af.
Búast má við að hlaupið í Skaftá klárist á næstu dögum að öllu óbreyttu. „Hlaupið hefur minnkað mjög mikið.“
Lögmæti og heilindi dregin í efa
/frimg/1/16/10/1161072.jpg)
Ákærður fyrir líkamsárás sem leiddi til dauða
Vilja flytja út fisk gegnum Ísland
„Það var ekki dæmt löglegt að mismuna börnum“
Foreldrum sagt að heimanám væri verkfallsbrot
Appelsínugular og gular viðvaranir í dag