Reynir að sanna að hinir séu meðsekir
Oddur Þórðarson
Setja bókamerki
Hlé hefur nú verið gert á skýrslutöku í Rauðgerðismálinu í Héraðsdómi Reykjavíkur. Skýrslutöku Angjelin Sterkajs er nú lokið og hefur hann lýst atburðunum í aðdraganda morðsins á Armando Beqirai, þann 13. febrúar síðastliðinn, svarað spurningum dómara um atburðinn og svarað spurningum ákæruvalds og verjenda.
Segist hafa verið einn að verki
Búast má við því að eftir hlé klukkan 12:45 gefi skýrslu annað hvort Claudia Sofia Coelho Carvalho eða Shpetim Qerimi. Sphetim keyrði Angjelin í Rauðagerði, þar sem hann myrti Armando Beqirai, og Claudia er sögð hafa vitað að Angjelin ætlaði að bíða Armando bana, en Angjelin segir að hvorki Claudia né Sphetim hafi vitað af morðinu, hvorki fyrir það né strax eftir að það var framið.
Löng vika framundan
Angjelin er frá Albaníu og gaf því skýrslu sína með aðstoð túlks. Það hefur gert þinghald ansi flókið og langdregnara en annars væri og má gera ráð fyrir því að þinghald haldi áfram langt frameftir degi.
Þegar allir fjórir sakborningar hafa veitt skýrslu í dag má búast við að þinghaldi ljúki en henni verður fram haldið á morgun þegar lögreglumenn, sérfræðingar og nokkur vitni gefa skýrslu. Önnur vitni gefa síðan skýrslu á miðvikudag og fimmtudag.
/frimg/1/52/68/1526898.jpg)
„Fólk elskar þennan mann“
Ísrael rýfur öll tengsl við UNRWA
Fer fram á sex og hálfs ára fangelsi yfir Jóni Inga
Þungbært að missa félaga
58,6 milljarða halla spáð á næsta ári
Maðurinn sem lést var íslenskur
Svona verður endaspretturinn