Lögreglan á Suðurnesjum hefur ákveðið allsherjarrýmingu við gosstöðvarnar eftir að mikið hraun fór að streyma á ný niður í Nátthaga, en þar fara flestir ferðamenn um sem koma til að skoða gosið. Hafa björgunarsveitir verið kallaðar út vegna þessa.

Þyrfluflugmaður flaug yfir gossvæðið núna á tólfta tímanum. Mynd/Jón Kjartan Björnsson

Sigurður Bergmann, vettvangsstjóri hjá lögreglunni á Suðurnesjum, staðfestir við mbl.is að heljarinnar hraun hafi farið að renna á ný niður í Nátthaga. „Þar er aðal fjöldinn“ segir hann um fólk á svæðinu og bendir á að færri hafi farið undanfarið um Langahrygg.

Spurður hversu margir séu á svæðinu segir hann að það sé talsverður fjöldi.

Uppfært: Lögreglan á Suðurnesjum hefur sent frá sér eftirfarandi tilkynningu: „Lokað hefur verið fyrir umferð að gosstöðvunum vegna hraunflæðis.  Er það gert af öryggisástæðum.  Viðbragðsaðilar þurfa nú svigrúm til að meta að nýju aðstæður.“

Sjá má vefmyndavél mbl.is í Nátthaga hér.

Séð frá Langahrygg nú á tólfta tímanum. Ljóst er að göngufólk er á svæðinu þar sem hraunið rennur. Skjáskot úr vefmyndavél Rúv

Tengdar fréttir

Eldvirkni á Reykjanesskaga

„Við vorum alveg á nippinu“

• Funduðu að næturlagi vegna gruns um kvikuhlaup
• Héldu að kvikuhlaup gæti verið að hefjast
• Kanna vanhæfi lögreglustjórans vegna banaslyss
• Bæjarfélagið gæti farið í greiðsluþrot

» Fleiri tengdar fréttir

• Blogga um frétt