Framhlaup af hrauni sem safnast hafði saman í pollum varð í nótt við eldgosið í Geldingadölum. Nokkur virkni hefur verið í eldgosinu undanfarna daga en svipað framhlaup átti sér stað fyrir örfáum dögum þegar hraun rann niður í Nátthaga. Atburðurinn í nótt var þó ekki jafn umfangsmikill, að sögn Salóme Jórunnar Bernharðsdóttur, náttúruvársérfræðings, hjá Veðurstofu Íslands. 

Frétt af mbl.is

Hraun flæðir yfir gönguleið A og niður í Nátthaga

„Leiðigarðurinn heldur enn þá og það hefur ekkert runnið niður í Nátthagakrika sjálfan.[...] Þetta er framhlaup af hrauni sem hafði safnast saman í pollum. Hraðari framrás heldur en venjulega,“ segir hún. 

Að sögn Salóme var eitthvað af fólki á svæðinu en engan sakaði þó. Segir hún þó varhugavert að þvælast mjög nálægt enda er ekki ólíklegt að þessi atburður endurtaki sig. Geti hraunið þá farið á mikla hreyfingu. „Eins og í vikunni þá var þetta að hreyfa sig þrjá metra á sekúndu sem er nokkuð hratt, meira en gönguhraði. Þetta var nokkuð hratt framhlaup.“

Tengdar fréttir

Eldvirkni á Reykjanesskaga

Eldgos nú talið ólíklegt í nóvember

• Skoða hvort Hvalur 8 og 9 geti hitað upp Suðurnes
• Telja sig geta rekið Grindavík til 2026
• „Ekkert okkar getur sett sig í spor ykkar“
• Trúir að Grindavík geti byggst upp

» Fleiri tengdar fréttir

• Blogga um frétt