Eftir rigningu um sjöleytið í morgun á Akureyri fór að snjóa og um áttaleytið var allt orðið hvítt. Lögreglan hefur aðstoðað fólk sem hefur lent í vandræðum á bílum sínum og nóg er að gera á dekkjaverkstæðum.

Tugir bíla bíða eftir því að komast að í dekkjaskipti hjá Dekkjahöllinni. Að sögn markaðsstjórans Jóhanns Jónssonar nær röðin frá planinu og út Draupnisgötu.

„Þetta kom mjög óvænt. Það byrjaði ekki að snjóa fyrr en um hálfátta í morgun,” segir Jóhann og bætir við að það sé brjálað að gera.

„Síminn stoppar ekki en þetta gengur hratt fyrir sig,” bætir hann við.  

Jörðin var hvít á Akureyri í morgun eins og sjá má á þessari mynd. mbl.is/Þorgeir Baldursson

Tengdar fréttir

Óveður í september 2021

Hefðu ekki geta undirbúið sig betur

• Músagangur boðaði hríðarveður
• „Orkubúsmenn eiga heiður skilið“
• Nokkur snjóflóð féllu við Flateyri
• Aflétta óvissustigi almannavarna

» Fleiri tengdar fréttir

• Blogga um frétt