Bæjarráð Garðabæjar hefur komist að þeirri niðurstöðu að Vífilsstaðatún, þar sem fyrirhugað var að halda árlegu tónlistarhátíðina Secret Solstice á næsta ári, sé ekki heppileg staðsetning. 

Í fundargerð bæjarráðs segir að í umsögn bæði menningar- og safnanefndar og íþrótta- og tómstundaráðs Garðabæjar komi fram að túnið sé ekki heppilegur vettvangur fyrir hátíðina. 

Í þeim umsögnum segir að það sé vegna fyrirhugaðra byggingarframkvæmda á svæðinu, m.a. byggingu nýs leikskóla. 

Þannig tekur bæjarráð undir efni þessara umsagna og segir í fundargerð um málið að bæjarstjóra, Gunnari Einarssyni, verði falið að gera aðstandendum tónlistarhátíðarinnar viðvart um niðurstöðu málsins. 

Tengdar fréttir

Secret Solstice

Íslenskur hrekkjalómur vekur heimsathygli

• Hæstiréttur tekur fyrir mál Secret Solstice
• Sýknaðir af kröfum umboðsskrifstofu Slayer
• Ekkert fannst í þrotabúi Secret solstice-félags
• Fyrsti eiginmaður Spears í hringiðu mótmæla

» Fleiri tengdar fréttir

• Blogga um frétt