Tólf börn smituð og vel á þriðja hundrað í sóttkví
Setja bókamerki
Tólf börn hafa greinst smituð af Covid-19 í grunnskólum Akureyrarbæjar og eru fleiri en 250 börn og 33 starfsmenn skólanna komin í sóttkví vegna smitanna. Þetta kemur fram í tilkynningu frá bæjaryfirvöldum.
Fram kemur í tilkynningunni að skólastarf verði með eðlilegum hætti á morgun, föstudaginn 1. október, en gripið hefur verið til viðeigandi ráðstafana í öllum grunnskólum bæjarins. Þá hefur sameiginlegum viðburðum sem ekki eru hluti af daglegu skólastarfi verið frestað.
Engin fyrirmæli borist um takmarkanir á skólastarfi
Rakning vegna staðfestra smita stendur nú yfir. Þá er bent á að „hér eftir sem hingað til verði fyrirmælum rakningarteymis fylgt í hvívetna“ og að engin fyrirmæli um röskun eða takmarkanir á skólastarfi hafi borist. Hvorki frá sóttvarnayfirvöldum né frá rakningarteyminu.
Berist slík fyrirmæli verði brugðist skjótt við og upplýsingum komið hratt og örugglega á framfæri. Þá er fólk hvatt til þess að skrá sig í sýnatöku finni það fyrir einkennum.
Svona voru síðustu dagarnir: „Ég þarf viku“
Afhendir yngri kynslóðum keflið
Stórfyrirtæki stefna á starfsemi í Breiðholti
Móðirin metin sakhæf í Nýbýlavegsmáli
Segir aðferðafræði Seðlabankans ekki að virka
Lögin leyfi fólki ekki að flýja sögu sína